Карадај

Подреди

Еден миг ќе го сврти светот на еден недолжен човек, оној кој што животот би го дал за правда ќе доживее таа правда да му одземе се, оној кој во име на семејството ќе биде подготвен да ја поднесе најголемата жртва ќе доживее судбината да му одземе повеќе од тоа... Кога во нечесна смртоносна замка честа на неговиот татко ќе биде извалкана со крв, неправдата ќе ја одреди пеколната судбина, тогаш гласот на честа и пркосот ќе крене рака... Тој глас ќе го доведе до на, таа која ќе треба да суди и пресуди за сторенто злосторство, таа која ќе треба да пресуди ќе биде и остане негова судбина, а животот кој до тој миг имаше поинаков тек ќе отвори болна битка помеѓу љубовта и злото... Колку жртви може да поднесе срцето на еден син, колку одрекувања може да потроши оној кој знае вистински да сака...

Махир (Кенан Имирзалиоглу) работи заедно со татко си Назиф (Џетин Текиндор) во семејната работилница за чевли. Живеат убав живот без никакви проблеми, а потоа наеднаш и животот на целата фамилија ќе се сврти наопаку. Семејната продавница ќе биде затворена заедно со останатите дуќани во целото подрачје. Махир се подготвува за веридба со Ајтен, пријателка од детството. Тој не може да поверува што им се случи со продавницата, но апсењето на татко му, на ден пред веридбата, претставува вистински шок за него. На почетокот, Махир е убеден дека тоа е големо недоразбирање, но по извесно време сваќа дека случајот со татко му е целосно наместен. Тој има рок од 30 дена да докаже дека татко му е невин. Во спротивно Назиф ќе биде погубен. На Махир не му преостанува ништо друго освен да се појави пред судијката Фериде (Бергузар Корел) која треба да ја донесе пресудата, и да докаже дека татко му е невин. Но неговата потрага по правдата ќе ја искомпликува невозможната љубовна приказна во која е вклучена судијката Фериде.

   

 

 

RSS